細個冇書讀，在順德要幫手做家務，幫手照顧細佬妹，要幫手餵豬，大人就養魚、種蔗、種桑，天光就起身，做一整日。直到12歲，就上廣州，幫忙阿叔做家務、照顧小孩。15歲申請了去香港，一開始做住家工，又係做家務，之後就改去工廠做學師，做製衣，做學師兩年，學滿師做自己工夫，斷件計，賺百零二百蚊一個月，學師時十蚊一個月。以前生活幾艱難架。
嗰時我在製衣廠，我間廠做內衣、西人著嗰啲吊帶睡裙、男裝短袖內衣，長期都係做嗰啲。做左5、6年，老細在澳門開廠，就嚟澳門繼續做製衣。之後有人介紹，識左個老公咪結婚，之後就一直留喺澳門。”
結婚之後，我就幫手丈夫一起經營『昌記』粥品店，他煮粥、做腸粉，我幫手做樓面，兩夫妻一起做，舖頭仔家庭式經營，受街坊喜愛。」
起身做工夫，買野，食飯，食完飯又做工夫，湊仔女，食飯訓教。日日都係咁，一年休息三日，過年嗰三日，一年到晚都冇休息架，舊時啲生活好困難架。
我的寶藏
我的三封信
主題拉頁
三圍檯的大家族
有人生日我地就會聚埋一齊。大家族好熱鬧！我而家係五代同堂架
聖安多尼堂頤老之家
囡囡介紹我黎，黎左兩年，玩下遊戲，識左好多老友記，好開心
百變的我
