我係新會出世，係大家姐，有三個細佬妹，細細個我同啲細佬妹要去工廠做香。幫補家計，日頭要讀書，放學要做香，好忙架，都冇時間去玩。我鄉下嘅頭，都係做香為主嘅。
呀梁生都係新會人，住我隔離村，佢細細個就跟住屋企人「走出嚟」，過左去澳門生活，我以前都唔識佢嘅，不過大家都到左要結婚嘅年紀，佢媽媽就介紹我地認識，去相親。不過見到第一次面之後，隔左兩年先見第二次面，之後我地就結婚啦，我就跟住佢「走出嚟」，嚟到澳門生活。
「仔又做香，女又做香」做香世家
嚟到澳門之後，我都係繼續做香，係田畔街嘅香莊做嘢，賺錢養家。之後啲仔女大個少少，都好似我以前細個咁，放學就嚟香莊幫忙做香，好乖架。大個左讀完書都繼續做香。
以前都鐘意去白鴿巢做運動，依家鐘意喺露台睇白鴿巢入面啲人做運動
我的寶藏
我的三封信
主題拉頁
開心老友記!!
百變的我
