廣州
我有7個兄弟姊妹，我排第2，細個同埋嫲嫲一齊住，一家10口住係青磚大屋，生活唔錯架！
屋企有個荔枝園，細個好鐘意去摘荔枝，有時會同爸爸摘完攞去賣，仲有得放牛添！好開心！
細個屋企環境唔差，但要幫手湊細佬妹，讀得唔多書，就算學校就係附近，都只係讀到三年級，而4個細佬都高中畢業了。細個我就好貪玩，會自己用針線整沙包、跳繩、跳大海、挑繩都好鐘意玩！
係鄉下，會幫屋企手插秧，但屋企啲田都會請人番尼耕，耕完攞啲野去賣，唔洗自己做架！田隔離有棵樹，攰會坐係樹下休息、食飯。
廿幾歲，媒人婆介紹男仔我認識，拍左拖半年就結婚啦！（1962年）
最開心最開心我嘅第一個小朋友出世啦！就係第一個女！
仙女電影館
下一站：澳門
老公落左澳門做野一段時間，1978年我自己帶住4個女落澳門。
1981年澳門，我最後一個小朋友都出世啦，生左個男孩子。
落到澳門，無得好似鄉下比田人耕，要自己落手落腳，雲華茶樓係我係澳門第一份工又係做最耐嘅工，之後做過咖啡室，最後一份工係市政廳做清潔，半個月出一次糧$600，生活艱苦多了。有時諗番都唔知點解要落澳門……
退休後都無得抖，變左全職湊孫，眨下眼雙手湊大左6粒孫。
除左湊孫，我鐘意養倉鼠、養龜，烏龜本身細細隻養到佢大大隻，但因為太臭，我將佢放生左係花城公園，哈哈哈～
湊大左孫仔孫女，以家會同佢地一齊打機，玩魔力橋，如果佢地唔得閒，我就自己係電話玩，練習下贏晒佢地，好好玩！
我的寶藏
我的三封信
百變的我
